သမဝါယမကောလိပ် (ဖောင်ကြီး) ၏ ၂၀၁၇-၂၀၁၈ ပညာသင်နှစ် အာစရိယပူဇော်ပွဲနှင့် နှုတ်ဆက်ညစာစားပွဲကို ၃၀.၈.၂၀၁၈ နေ့ နံနက် ၉:၀၀ နာရီတွင် စုဝေးခန်းမ၌ကျင်းပခဲ့ပါသည်။ အခမ်းအနားတွင် ကျောင်းသားကျောင်းသူများမှ ကျေးဇူးရှင်ဆရာ၊ ဆရာမများကို ကံယကံ၊ ဝစီကံ၊ မနောကံ ကံသုံးပါးဖြင့် ပြစ်မှားမိခဲ့သည်များရှိပါကခွင့်လွှတ်ပါရန် တောင်းပန်ကန်တော့ ခဲ့ကြပါသည်။ ကျောင်းအုပ်ကြီး၊ ဒုတိယကျောင်းအုပ်ကြီးတို့မှ ဆုံးမဩဝါဒနှင့် ဆုပေးစကားများ ပြောကြားခဲ့ပြီး ကျောင်းသားကျောင်းသူများကိုယ်စား ဒုတိယနှစ်သင်တန်း ကျောင်းသား တစ်ဦးမှ ကျေးဇူးတင်စကားပြောကြားခဲ့ပါသည်။ အမှတ်တရဓာတ်ပုံများရိုက်ကူး၍ နံနက်ပိုင်း အစီအစဉ်ကိုအောင်မြင်စွာရုပ်သိမ်းခဲ့ပါသည်။
နေ့လည်ပိုင်းအစီအစဉ်များကို မွန်းလွဲ (၁:၀၀)နာရီတွင် ပြန်လည်စတင်ခဲ့ပြီး ကျောင်းသူ ကျောင်းသားများမှ သီချင်းများ၊ တေးသရုပ်ဖော်များ၊ ပြဇာတ်များ ဖျော်ဖြေတင်ဆက်ခဲ့ကြပြီး ဆရာ၊ ဆရာမ၊ ကျောင်းသူ၊ ကျောင်းသားများကို ထမင်းကြော်များဖြင့် တည်ခင်း ကျွေးမွေးခဲ့ပါသည်။ ညနေပိုင်းအစီအစဉ်များကို ညနေ ၆:၀၀ နာရီတွင် အောင်မြင်စွာကျင်းပ ပြီးစီးခဲ့ပါသည်။